“ಬ್ರೇಕ್ ವಿಫಲವಾಗಿ ಸಾಗುವ ಬುಲ್ಡೋಜರ್‌ನಂತೆ ಅಬ್ಬರಿಸಿ ಬೊಬ್ಬಿಡುತ್ತ ಸಾಗುತ್ತಿದೆ ಬಾಲಕೃಷ್ಣ ನಟನೆಯ ಅಖಂಡ ಸಿನಿಮಾ”
ನ್ಯೂಜ್ ಡೆಸ್ಕ್: ನಂದಮೂರಿ ಬಾಲಕೃಷ್ಣ ನಟನೆಯ ತೆಲಗು ಚಿತ್ರ ಅಖಂಡ ಅಮೋಘ ಯಶಸ್ಸನ್ನು ಕಂಡು ಬ್ಲಾಕ್‌ ಬಸ್ಟರ್ ಹಿಟ್ ಆಗಿದೆ ತೆಲಗು ಸಿನಿಮಾ ರಂಗದಲ್ಲಿ ಸಿನಿಮಾ ಘರ್ಜಿಸುತ್ತಿದಿಯಂತೆ ಅಖಂಡ ಅಬ್ಬರಕ್ಕೆ ಚಿತ್ರಮಂದಿರಗಳು ತತ್ತರಿಸುತ್ತಿವೆ,ಬೋಯಿಪೊಟಿ ಶೀನು ನಿರ್ದೇಶನದ ಈ ಚಿತ್ರ ಇತ್ತೀಚೆಗಷ್ಟೇ ಬಿಡುಗಡೆಯಾಗಿದ್ದು ಕರೋನಾ ನಂತರ ಬಿಡುಗಡೆಯಾದ ದೊಡ್ಡ ಚಿತ್ರವಾಗಿ ಗುರುತಿಸಿಕೊಂಡಿದೆ.
ಅಖಂಡ ಯಶಸ್ಸು ಟಾಲಿವುಡ್‌ಗೆ ಹೊಸ ಉತ್ಸಾಹ ತುಂಬಿದೆ,ಸಿನಿಮಾದಲ್ಲಿ ಬಾಲಯ್ಯ ಹಿಂದೆಂದೂ ಕಾಣದ ವಿಭಿನ್ನ ಪಾತ್ರದಲ್ಲಿ ನಟಿಸಿ ವಿಶ್ವರೂಪವನ್ನೆ ತೋರಿಸಿದ್ದು ಇಡಿ ಸಿನಿಮಾವನ್ನು ಬಾಲಕೃಷ್ಣ ತಮ್ಮ ಬುಜಗಳ ಮೇಲೆ ಹೊತ್ತು ಸಾಗಿದ್ದಾರೆ. ದಿನಕಳೆದಂತೆ ಥಿಯೇಟರ್ ಗಳಲ್ಲಿ ಧೂಳೆಬ್ಬಿಸುತ್ತ ದುಡ್ಡಿನ ಕೊಳ್ಳೆ ಹೋಡೆಯುತ್ತಿದೆ. ಬಾಲಯ್ಯ ಬೋಯಿಪೊಟಿ BB ಕಾಂಬಿನೇಷನಲ್ಲಿ ಸಿಂಹ,ಲೆಜೆಂಡ್ ನಂತರ ಮೂರನೇ ಚಿತ್ರವಾದ ಅಖಂಡ ಹ್ಯಾಟ್ರಿಕ್ ಬಾರಿಸಿದೆ, ಅಭಿಮಾನಿಗಳು BB ಕಾಂಬಿನೇಷನಲ್ಲಿ ಮತ್ತೊಂದು ಸಿನಿಮಾ ಮಾಡಬೇಕು ಘೋಷಣೆ ಮಾಡುವಂತೆ ಒತ್ತಾಯ ಹಾಕುತ್ತಿದ್ದಾರೆ ಅದೂ ಅಖಂಡ ಎರಡನೆಯ ಭಾಗ ಎನ್ನುವಂತೆ ನಂದಮೂರಿ ಅಭಿಮಾನಿಗಳ ಒತ್ತಾಯ! ಈ ಸಿನಿಮಾ ಬಾಲಿವುಡ್‌ನಲ್ಲೂ ರಿಮೇಕ್ ಆಗುವ ನಿರೀಕ್ಷೆ ಇದೆ. ದೊಡ್ಡ ದೊಡ್ಡ ನಿರ್ಮಾಣ ಸಂಸ್ಥೆಗಳು ಚಿತ್ರಕ್ಕಾಗಿ ಪೈಪೋಟಿ ನಡೆಸುತ್ತಿವೆ ಎಂದು ಹೇಳಲಾಗುತ್ತಿದೆ.ಸದ್ಯದಲ್ಲೇ ಅಖಂಡ ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಲಿದೆ ಎನ್ನಲಾಗುತ್ತಿದೆ.
ಹಿಂದು ಸಂಘಟನೆಗಳು ಅಖಂಡ ಸಿನಿಮಾಗೆ ಹೆಚ್ಚು ಪ್ರಚಾರ ನೀಡುತ್ತಿದೆ ಆಂಧ್ರದಲ್ಲಿ ಹಲವಾರು ಕಡೆ ಖಾವಿತೊಟ್ಟ ಸ್ವಾಮಿಜಿಗಳು ಅಘೋರಿಗಳು ನೇರವಾಗಿ ಚಿತ್ರಮಂದಿರಕ್ಕೆ ಹೋಗಿ ಅಖಂಡ ಸಿನಿಮಾ ನೋಡುತ್ತಿದ್ದಾರೆ. ಕೆಲವೊಂದು ಕಡೆ ಅಭಿಮಾನಿಗಳು ಬಿಳಿ ಪಂಚೆ ಶರ್ಟ್ ಹಾಕಿಕೊಂಡು ಅಖಂಡ ಸಿನಿಮಾ ನೋಡಿ ಅಭಿಮಾನ ಪ್ರದರ್ಶಿಸುತ್ತಿದ್ದಾರೆ.
ಸಿನಿಮಾ ವಿಮರ್ಶೆ:ಚ.ಶ್ರೀನಿವಾಸಮೂರ್ತಿ