ನ್ಯೂಜ್ ಡೆಸ್ಕ್: ತೆಲಗುಚಿತ್ರರಂಗದ ಸ್ಟಾರ್ ನಟ ನಟಸಿಂಹ ನಂದಮೂರಿ ಬಾಲಕೃಷ್ಣ ಮತ್ತು ನಿರ್ದೇಶಕ ಗೋಪಚಂದ್ ಮಲ್ಲಿನೇನಿ ಕಾಂಬಿನೇಷನ್ ನಲ್ಲಿ ಮಾಸ್ ಆಕ್ಷನ್ ಎಂಟರ್‌ಟೈನರ್ ವೀರಸಿಂಹ ರೆಡ್ಡಿ.ಸಂಪೂರ್ಣ ಕಮರ್ಷಿಯಲ್ ಎಂಟರ್‌ಟೈನರ್ ಶೂಟಿಂಗ್ ಶುರುವಾಗಿರುದ್ದು ಬಾಲಕೃಷ್ಣ ಅಭಿಮಾನಿಗಳು ಬಿಡುಗಡೆಗೆ ಕಾಯುತ್ತಿದ್ದಾರೆ.
ವೀರಸಿಂಹ ರೆಡ್ಡಿ ಚಿತ್ರಕ್ಕೆ ಗಾಡ್ ಆಫ್ ಮಾಸ್ ಎಂದು ಉಪ ಶೀರ್ಷಿಕೆ ನೀಡಲಾಗಿದೆ. ಈ ಶೀರ್ಷಿಕೆಯಂತೆ ಬಾಲಯ್ಯ ಊರು ಮಾಸ್ ಮಾಸ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.ಕೆಲವು ನೈಜ ಘಟನೆಗಳನ್ನು ಆಧರಿಸಿ ನಿರ್ದೇಶಕ ಗೋಪಿಚಂದ್ ಮಲಿನೇನಿ ಈ ಕಥೆಯನ್ನು ಸಿದ್ಧಪಡಿಸಿದ್ದಾರೆ.ಅಖಂಡ ಬ್ಲಾಕ್ಬಸ್ಟರ್ ಹಿಟ್ ನಂತರ ಬಾಲಕೃಷ್ಣ ಅಭಿಮಾನಿಗಳು ಮತ್ತೊಂದು ಯಶಸ್ಸಿಗೆ ಕಾಯುತ್ತಿದ್ದರೆ ನಿರ್ದೇಶಕ ಗೋಪಚಂದ್ ಮಲ್ಲಿನೇನಿ “ಕ್ರಾಕ್‌” ಸಿನಿಮಾದ ಯಶಸ್ವಿಯ ಫಾರ್ಮ್ ನಲ್ಲಿದ್ದಾರೆ. ಸಿನಿ ಪ್ರೇಕ್ಷಕರು ಈ ಜೋಡಿಯಿಂದ ಮತ್ತೊಂದು ಬ್ಲಾಕ್ ಬಸ್ಟರ್ ಬರುತ್ತದೆ ಎಂಬ ನಿರೀಕ್ಷೆಯಲ್ಲಿದ್ದಾರೆ. ಇಲ್ಲಿ ಮತ್ತೊಂದು ರೋಚಕ ಅಂಶವೆಂದರೆ ವೀರಸಿಂಹರೆಡ್ಡಿ ಕರ್ನೂಲ್ ಫ್ಯಾಕ್ಷನ್ ಹಿನ್ನೆಲೆಯಲ್ಲಿ ಮೂಡಿಬರಲಿದೆ ಎನ್ನಲಾಗುತ್ತಿದೆ.
ಚಿತ್ರಕ್ಕೆ ಸಂಬಂಧಿಸಿದ ಕೆಲಸಗಳು ಶರವೇಗದಲ್ಲಿ ಸಾಗುತ್ತಿದ್ದು ಈ ತಿಂಗಳ 9 ರಿಂದ 13 ರವರೆಗೆ ಐದು ದಿನಗಳ ಕಾಲ ಅನಂತಪುರ ಜಿಲ್ಲೆಯಲ್ಲಿ ಶೂಟಿಂಗ್ ಶೆಡ್ಯೂಲ್ ಮುಗಿಸಿರುವ ಸಿನಿಮಾ ತಂಡ ಸಿನಿಮಾ ಹಿರೋ ಬಾಲ್ಯದ ದೃಶ್ಯಗಳನ್ನು ಅನಂತಪುರ ಜಿಲ್ಲೆಯಲ್ಲಿ ನವೆಂಬರ್ 9 ರಂದು ಪೆನ್ನೋಅಹೋಬಿಲಂ ಲಕ್ಷ್ಮೀ ನರಸಿಂಹ ಸ್ವಾಮಿ ದೇವಸ್ಥಾನ ,ನವೆಂಬರ್ 10 ಮತ್ತು ನವೆಂಬರ್ 11: ಅಮಿಧ್ಯಲಾ, ರಾಕೆಟ್ಲಾ, ಉರವಕೊಂಡ, ನವೆಂಬರ್ 12 ಮತ್ತು ನವೆಂಬರ್ 13: ಪೆನುಗೊಂಡ ಕೋಟೆಯಲ್ಲಿ ಹಾಗು ಬೆಟ್ಟ ಗುಡ್ಡಗಳ ಬಂಡೆ ಕಾಡು ಪ್ರದೇಶದಲ್ಲಿ ಸೈಕ್ಲೊನ್ ಮಳೆ ಹಾಗು ಮಂಜಿನಲ್ಲೆ ಚಿತ್ರೀಕರಣ ಮಾಡಿರುತ್ತಾರೆ.
ಮೈತ್ರಿ ಮೂವೀ ಮೇಕರ್ಸ್ ಬ್ಯಾನರ್ ಅಡಿಯಲ್ಲಿ ಅದ್ಧೂರಿಯಾಗಿ ತಯಾರಾಗುತ್ತಿರುವ ಈ ಚಿತ್ರದಲ್ಲಿ ಶ್ರುತಿ ಹಾಸನ್ ನಾಯಕಿಯಾಗಿ ನಟಿಸುತ್ತಿದ್ದು ಕನ್ನಡದ ಖ್ಯಾತ ನಟ ದುನಿಯಾ ವಿಜಯ್,ವರಲಕ್ಷ್ಮಿ ಶರತ್‌ಕುಮಾರ್ ಇತರೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಬಾಲಕೃಷ್ಣ ಮತ್ತು ಗೋಪಿಚಂದ್ ಮಲಿನೇನಿ ಚಿತ್ರಗಳಿಗೆ ಬ್ಲಾಕ್ಬಸ್ಟರ್ ಆಲ್ಬಂಗಳನ್ನು ನೀಡಿರುವ ಸಂಗೀತ ಮಾಂತ್ರಿಕ ಎಸ್ ಥಮನ್ ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸುತ್ತಿದ್ದಾರೆ. ರಿಷಿ ಪಂಜಾಬಿ ಛಾಯಾಗ್ರಾಹಕರಾಗಿ ಕೆಲಸ ಮಾಡುತ್ತಿದ್ದಾರೆ.ನಿರ್ಮಾಪಕರಾದ ನವೀನ್ ಯೆರ್ನೇನಿ ಮತ್ತು ವೈ ರವಿಶಂಕರ್ ಈ ಚಿತ್ರವನ್ನು ಮೈತ್ರಿ ಮೂವಿ ಮೇಕರ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಿಸುತ್ತಿದ್ದಾರೆ. ಸ್ಟಾರ್ ರೈಟರ್ ಸಾಯಿ ಮಾಧವ್ ಬುರ್ರಾ ಸಂಭಾಷಣೆಯನ್ನು ನೀಡುತ್ತಿದ್ದಾರೆ, ನವೀನ್ ನೂಲಿ ಸಂಕಲನ ಮತ್ತು ಎಎಸ್ ಪ್ರಕಾಶ್ ನಿರ್ಮಾಣ ವಿನ್ಯಾಸಕರಾಗಿ ಕೆಲಸ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ಚಂದು ರವಿಪತಿ ಕಾರ್ಯಕಾರಿ ನಿರ್ಮಾಪಕರಾಗಿ ಮತ್ತು ರಾಮ್-ಲಕ್ಷ್ಮಣ್ ಫೈಟ್ ಮಾಸ್ಟರ್ಸ್ ಆಗಿ ಕೆಲಸ ಮಾಡುತ್ತಿದ್ದಾರೆ.
ಈಗಾಗಲೇ ಬಿಡುಗಡೆಯಾಗಿರುವ ಟೀಸರ್, ಟೈಟಲ್ ಟೀಸರ್ ಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದ್ದು ಭಾರೀ ನಿರೀಕ್ಷೆಯೊಂದಿಗೆ ಬಾಲಕೃಷ್ಣ ಅಭಿಮಾನಿಗಳು ಹಾಗು ಸಿನಿ ಪ್ರೇಕ್ಷಕರು ಕಾಯುತ್ತಿರುವ ‘ವೀರಸಿಂಹ ರೆಡ್ಡಿ’ 2023 ರ ಸಂಕ್ರಾಂತಿಯಂದು ವಿಶ್ವದಾದ್ಯಂತ ಗ್ರ್ಯಾಂಡ್ ರಿಲೀಸ್ ಆಗಲಿದೆ.