ಶ್ರೀನಿವಾಸಪುರ:ಯುವರಾಜಕಾರಣಿಯಾಗಿ,ಹಿಂದುಳಿದ ವರ್ಗಗಳ ಪ್ರಭಾವಿ ಮುಖಂಡ ಬಿಜೆಪಿ ಸಿಂಬಲ್ ಅಡಿಯಲ್ಲಿ ಕಾಲಿಗೆ ಚಕ್ರ ಕಟ್ಟಿಕೊಂಡು ಶ್ರೀನಿವಾಸಪುರ ವಿಧಾನಸಭಾ ಕ್ಷೇತ್ರದಲ್ಲಿ ಧೂಳೆಬ್ಬಿಸುತ್ತ ಒಡಾಡುತ್ತಿದ್ದ SLN ಮಂಜು ಕಳೆದ ಮೂರನಾಲ್ಕು ತಿಂಗಳಿನಿಂದ ಕ್ಷೇತ್ರದಿಂದ ದೂರ ಸರಿದು ಹೋಗಿದ್ದರು ಇದು ಹಲವಾರು ವದಂತಿಗಳಿಗೆ ಉಹಾಪೋಹಗಳಿಗೆ ಕಾರಣವಾಗಿತ್ತು ಆದರೂ SLN ಮಂಜು ತಾಲೂಕು ಕಚೇರಿ ಬಳಿ ಉಚಿತ ಅನ್ನಧಾನ ಕಾರ್ಯಕ್ರಮ ಸೇರಿದಂತೆ ಸೇವಾ ಕಾರ್ಯಗಳನ್ನು ನಿಲ್ಲಿಸಿರಲಿಲ್ಲ, ಬಿಜೆಪಿ ವಿಜಯ ಸಂಕಲ್ಪಯಾತ್ರೆ ಬಂದಾಗಲೂ SLN ಮಂಜು ಕಾಣದೆ ಹೋದ ಹಿನ್ನಲೆಯಲ್ಲಿ ಅವರೊಂದಿಗೆ ಗುರುತಿಸಿಕೊಂಡಿದ್ದ ಒಂದಷ್ಟು ಯುವಕರು ಮಾನಸಿಕವಾಗಿ ಕುಗ್ಗಿಹೋಗಿದ್ದರು.
ಆದರೆ ಬುಧವಾರ ಸಂಜೆಯಿಂದ ಜೆಡಿಎಸ್ ಕಾರ್ಯಕರ್ತರ ಮುಖಂಡರ ವ್ಯಾಟ್ಸಾಪ್ ಸ್ಟೇಟಸ್ ಮತ್ತು ಎಫ್ಬಿಗಳಲ್ಲಿ SLN ಮಂಜು ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರನ್ನು ಭೇಟಿಯಾಗಿರುವ ಫೋಟೋಗಳು ಹರಿದಾಡುತಿದೆ ಈ ಫೋಟೋಗಳಲ್ಲಿ ಮಾಜಿ ಶಾಸಕ ವೆಂಕಟಶಿವಾರೆಡ್ಡಿ ಮಾಜಿ ವಿಧಾನಪರಿಷತ್ ಸದಸ್ಯ ಚೌಡರೆಡ್ದಿ ಇದ್ದು ಅವರೆ SLN ಮಂಜು ಅವರನ್ನು ಜಕ್ಕೂರು ವಿಮಾನ ನಿಲ್ದಾಣದಲ್ಲಿ ಕುಮಾರಸ್ವಾಮಿ ಅವರನ್ನು ಭೇಟಿಮಾಡಿಸಿದ್ದಾರೆ ಎನ್ನಲಾಗಿದೆ.
![](https://www.vcsnewz.com/wp-content/uploads/2023/04/20423.3.jpg)
ಆದರೆ ಈ ಮದ್ಯೆ SLN ಮಂಜು ತಮ್ಮ ಫೇಸ್ಬುಕ್ ಪುಟದಲ್ಲಿ ಮಾಜಿ ಶಾಸಕರಾದ ವೆಂಕಟಶಿವಾರೆಡ್ಡಿ ಹಾಗೂ ಮಾಜಿ ವಿಧಾನ ಪರಿಷತ್ ಸದಸ್ಯರಾದ ತೂಪಲ್ಲಿ ಚೌಡರೆಡ್ಡಿ ಅವರ ಬೇಷರತ್ತು ಆಹ್ವಾನದ ಮೇರೆಗೆ ಮಾಜಿ ಮುಖ್ಯಮಂತ್ರಿಗಳಾದ ಕುಮಾರಸ್ವಾಮಿ ಅವರನ್ನು ಭೇಟಿ ಮಾಡಿದ್ದು,ಶ್ರೀನಿವಾಸಪುರದ ಮುಂದಿನ ರಾಜಕೀಯ ಚಟುವಟಿಕೆಯ ಬಗ್ಗೆ ಚರ್ಚೆ ಮಾಡಿ ಮುಂದಿನ ನನ್ನ ನಡೆಯನ್ನು ನನ್ನ ಕಾರ್ಯಕರ್ತ ಬಂಧುಗಳು, ಮುಖಂಡರು, ಗುರುಗಳು ಹಾಗೂ ಬಂಧು ಬಳಗದವರರೊಂದಿಗೆ ಮಾತನಾಡಿ ತೀರ್ಮಾನಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
![](https://www.vcsnewz.com/wp-content/uploads/2023/04/20423.2.jpg)
![](https://www.vcsnewz.com/wp-content/uploads/2023/04/20423.5.jpg)
ಇದೆಲ್ಲದರ ಮದ್ಯೆ ಜೆಡಿಎಸ್ ಬೆಂಬಲಿತ ಕೆಲ ಯುವಕರು SLN ಮಂಜು ಜೆಡಿಎಸ್ ಸೇರಿಯಾಗಿದೆ ಅವರ ನೇತೃತ್ವದಲ್ಲಿ ಮಾಜಿ ಶಾಸಕ ವೆಂಕಟಶಿವಾರೆಡ್ಡಿ ಪರ ಕ್ಯಾನ್ ವಾಸ್ ಮಾಡುತ್ತಾರೆ ಶನಿವಾರದಿಂದ ಅಧಿಕೃತವಾಗಿ ಶುರುಮಾಡುತ್ತಾರೆ ಅಂದು SLN ಮಂಜು ರೊಜರ್ನಹಳ್ಳಿ ಗೆಟ್ ಬಳಿಯಿಂದ ಇಂದಿರಾಭವನ್ ವೃತ್ತದವರಿಗೂ ಬೈಕ್ ರ್ಯಾಲಿ ಮೂಲಕ ಆಗಮಿಸಿಲಿದ್ದಾರೆ ಅವರನ್ನು ಅಭಿಮಾನಿಗಳಿಂದ ಸ್ವಾಗತಕೋರಲಾಗುತ್ತದೆ ಎಂದು ಹೇಳಿಕೊಳ್ಳುತ್ತಿದ್ದಾರೆ.