ಶ್ರೀನಿವಾಸಪುರ:ಡಾ.ಪುನೀತ್ ರಾಜಕುಮಾರ್ ಒಂದನೇ ವರ್ಷದ ಪುಣ್ಯಸ್ಮರಣೆ ಅಂಗವಾಗಿ ಪಟ್ಟಣದಲ್ಲಿ ಅಭಿಮಾನಿಗಳು ಪುರಸಭೆ ಕಚೇರಿ ಮುಂಭಾಗದಲ್ಲಿ ಸಾಮಾಜಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದರು ಈ ಸಂದರ್ಭದಲ್ಲಿ ಬಿಜೆಪಿ ಮುಖಂಡ ಎಸ್.ಎಲ್.ಎನ್.ಮಂಜು ಮಾತನಾಡಿ ಪುನೀತ್ ಚಿತ್ರರಂಗದಲ್ಲಿ ನಾಯಕ ನಟನಾಗಿ ಬರುವುದಕ್ಕೆ ಮುಂಚಿನಿಂದಲೂ ಸಾಮಾಜಿಕ ಕಾರ್ಯಕ್ರಮಗಳಲ್ಲಿ ತೊಡಗಿಸಿಕೊಂಡು ಸಾಮಜಿಕ ಸೇವೆ ಮಾಡುತ್ತಿದ್ದರು ಸಮಾಜಕ್ಕೆ ಏನಾದರೂ ಒಳಿತು ಮಾಡಬೇಕು ಎಂಬ ತುಡಿತ ಅವರಲ್ಲಿ ಇತ್ತು ಇಂದಿನ ಯುವ ಪೀಳಿಗೆಗೆ ಅವರ ಸಮಾಜ ಸೇವೆ ಪರಿಸರ ಪ್ರೇಮ ಆದರ್ಶವಾಗಬೇಕು ಎಂದರು.
ಪುಷ್ಪ ನಮನ ಸಲ್ಲಿಸಿದರು.
ಅಭಿಮಾನಿಗಳ ಆರಾದ್ಯ ದೈವ ಅಪ್ಪು ಮೇಲಿನ ಪ್ರೀತಿಗಾಗಿ ದೊಡ್ದ ಸಂಖ್ಯೆಯಲ್ಲಿ ಸೇರಿದ್ದ ಅಭಿಮಾನಿಗಳು ಸಾರ್ವಜನಿಕ ಅನ್ನ ಸಂಪರ್ಪಣೆ ಏರ್ಪಡಿಸಿದ್ದರು. ಈ ಸಂದರ್ಭದಲ್ಲಿ ಮಾತನಾಡಿದ ಪುನಿತ್ ಅಭಿಮಾನಿ ಬಳಗದ ಮುಖಂಡ ರಾಜ್ ಸೌಂಡ್ ಸಿಸ್ಟಮ್ ಮಾಲಿಕ ಶ್ರೀನಿವಾಸ ನವೆಂಬರ್ 19 ರಂದು ಶ್ರೀನಿವಾಸಪುರ ಪಟ್ಟಣದಲ್ಲಿ ಅದ್ದೂರಿಯಾಗಿ ಕನ್ನಡ ರಾಜ್ಯೋತ್ಸವ ಆಚರಣೆ ಮಾಡುತಿದ್ದು ಕಾರ್ಯಕ್ರಮಕ್ಕೆ ಡಾ.ರಾಜ್ ಕುಟುಂಬದವರನ್ನು ಹಾಗು ಕನ್ನಡ ಚಲನಚಿತ್ರ ನಟರನ್ನು ಕರೆಸುವಂತ ಯೋಜನೆ ಇದೆ ಎಂದರು. ಈ ಸಂದರ್ಭದಲ್ಲಿ ಮಡಿವಾಳಮಂಜು.ಅಂತರಾಜ್ಯ ಕ್ರಿಕೆಟ್ ಪಟು ಮಾಲೂರುಚಂದು, ಮೇಸ್ತ್ರೀಮುನಿರಾಜು,ಹೋಟೆಲ್ ಸೀನಾ,ಮುಂತಾದವರು ಇದ್ದರು.