ನ್ಯೂಜ್ ಡೆಸ್ಕ್: ಶ್ರೀನಿವಾಸಪುರದ ಹಾಲಿ ಹಾಗು ಮಾಜಿ ಶಾಸಕರು ಚನ್ನಪಟ್ಟಣ ಉಪಚುನಾವಣೆಯಲ್ಲಿ ಚುನಾವಣಾ ಕ್ಯಾಂಪೈನ್ ಗಾಗಿ ರೌಂಡ್ಸ್ ಹೋಗಿದ್ದಾರೆ.
ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರದ ಕೋಡಂಬಳ್ಳ ಪಂಚಾಯಿತಿ ವ್ಯಾಪ್ತಿಯಲ್ಲಿ ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಕಾಂಗ್ರೆಸ್ ಅಭ್ಯರ್ಥಿ ಯೋಗೇಶ್ವರ್ ಜೋತೆಗೂಡಿ ಚುನಾವಣೆ ಪ್ರಚಾರ ಮಾಡಿದ ಅವರು ತಾವು ಕೋಲಾರಕ್ಕೆ ಕೆ.ಸಿ.ವ್ಯಾಲಿ ತಂದದ್ದ ಬಗ್ಗೆ ಹೇಳಿ ನಿಮ್ಮ ಸ್ಥಳೀಯ ವ್ಯಕ್ತಿ ಯೋಗೇಶ್ವರ್ ನಿಮ್ಮೂರ ಕೆರೆಗಳಿಗೆ ನೀರು ತುಂಬಿಸಿದ್ದಾನೆ ಆತನ ಶ್ರಮಕ್ಕೆ ಗೌರವ ನೀಡಲು ಆತನನ್ನು ಉಪಚುನಾವಣೆಯಲ್ಲಿ ಗೆಲ್ಲಿಸಿ ಎಂದು ಮತ ಯಾಚಿಸಿದರು.ಇವರೊಂದಿಗೆ ಕಂದಾಯ ಸಚಿವ ಕೃಷ್ಣಬೈರೇಗೌಡ,ಮಾಲೂರು ಶಾಸಕ ನಂಜೇಗೌಡ,ಜಿಲ್ಲಾಪಂಚಾಯಿತಿ ಮಾಜಿ ಸದಸ್ಯ ಮೇಕಲನಾರಯಣಸ್ವಾಮಿ,ಸಂತೋಷರೆಡ್ಡಿ ಸೇರಿದಂತೆ ಹಲವರು ಇದ್ದರು.
ಹಾಲಿ ಶಾಸಕ ವೆಂಕಟಶಿವಾರೆಡ್ಡಿ ಸಹ ಚನ್ನಪಟ್ಟಣ ಉಪಚುನಾವಣೆಯಲ್ಲಿ NDA ಮೈತ್ರಿಕೂಟದ ಅಭ್ಯರ್ಥಿ ನಿಖಿಲ್ ಕುಮಾರಸ್ವಾಮಿ ಪರ ತಿಟ್ಟಮಾರನಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಚುನಾವಣಾ ಪ್ರಚಾರ ಸಭೆ ನಡೆಸಿ ಮಾತನಾಡಿ ಚನ್ನಪಟ್ಟಣ ಕ್ಷೇತ್ರದಲ್ಲಿ ದೇವೇಗೌಡರ ದೂರದೃಷ್ಟಿಯಿಂದ ಚನ್ನಪಟ್ಟಣ ಸಸ್ಯಶಾಮಲವಾಗಿದೆ ಅವರ ಸೇವೆಯನ್ನು ಇಲ್ಲಿನ ಜನ ಮರೆಯಬಾರದು, ಕೇಂದ್ರ ಸಚಿವರಾಗಿರುವ ಕುಮಾರಸ್ವಾಮಿ ಚನ್ನಪಟ್ಟಣ ಭಾಗದಲ್ಲಿ ಕಾರ್ಖಾನೆಗಳನ್ನು ಸ್ಥಾಪಿಸುವ ಮೂಲಕ ಇಲ್ಲಿನ ಯುವಕರಿಗೆ ಉದ್ಯೋಗ ಅವಕಾಶಗಳನ್ನು ಕಲ್ಪಿಸುತ್ತಾರೆ ಎಂದು ಮತಯಾಚಿಸಿದರು.
ಕೆಲ ಸಭೆಗಳಲ್ಲಿ ದೇವೇಗೌಡರೊಂದಿಗೂ ವೇದಿಕೆ ಹಂಚಿಕೊಂಡಿದ್ದರು.ಈ ಸಂದರ್ಭದಲ್ಲಿ ಹೆಚ್.ಕೆ.ಕುಮಾರಸ್ವಾಮಿ,ಮಾಜಿ ಸಚಿವ ಅಲ್ಕೋಡ್ ಹನುಮಂತಪ್ಪ,ಮಾಜಿ ಸಚಿವೆ ಲಿಲಾದೇವಿಪ್ರಸಾದ್, ಗೊಲ್ಲಪಲ್ಲಿಪ್ರಸನ್ನ ಸೇರಿದಂತೆ,ಸ್ಥಳೀಯ jds ಮುಖಂಡರು ಹಾಗೂ ಕಾರ್ಯಕರ್ತರು ಉಪಸ್ಥಿತರಿದ್ದರು.