- ಚಿರಂಜಿವಿ ನಟನೆಯ ಬಹು ನೀರಿಕ್ಷಿತ ಗಾಡ್ ಫಾದರ್
- ಸಿನಿಮಾದಲ್ಲಿ ಚಿರಂಜಿವಿ ಜೊತೆ ಸಲ್ಮಾನ್ ಖಾನ್ ಡ್ಯಾನ್ಸ್
- ತಾರ್ ಮಾರ್ ಥಕ್ಕರ್ ಡ್ಯಾನ್ಸ್ ಕಂಪೋಸರ್ ಪ್ರಭುದೇವ
- ಬಹು ತಾರಾಗಣದ ಸಿನಿಮಾ
ನ್ಯೂಜ್ ಡೆಸ್ಕ್:ಮೆಗಾಸ್ಟಾರ್ ಚಿರಂಜೀವಿ ಮತ್ತು ನಿರ್ದೇಶಕ ಮೋಹನ್ ರಾಜಾ ಕಾಂಬಿನೇಷನ್‌ನಲ್ಲಿ ‘ಗಾಡ್‌ಫಾದರ್’ ಚಿತ್ರ. ಅಕ್ಟೋಬರ್ 5 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಲಿದ್ದು ಬಿಡುಗಡೆಯ ಸಮಯ ಹತ್ತಿರವಾಗುತ್ತಿದ್ದಂತೆ ಚಿರಂಜಿವಿ ಅಭಿಮಾನಿಗಳಲ್ಲಿ ಕಾತುರ ಹೆಚ್ಚಾಗುತ್ತಿದೆ.
ಚಿತ್ರತಂಡದ ಪ್ರಚಾರದಲ್ಲಿ ನಿರತರಾಗಿದ್ದು ಇತ್ತೀಚೆಗೆ ಚಿತ್ರದ ನಾಯಕಿನಟಿ ನಯನತಾರಾ ಅವರ ಫಸ್ಟ್ ಲುಕ್ ಪೊಸ್ಟರ್ ಬಿಡುಗಡೆ ಮಾಡಿದ ನಿರ್ಮಾಪಕರು ಸೋಮವಾರ ಸತ್ಯ ದೇವ್ ಅವರ ಫಸ್ಟ್ ಲುಕ್ ಮತ್ತು ಅವರ ಪಾತ್ರದ ಹೆಸರನ್ನು ಬಹಿರಂಗಪಡಿಸಿದ್ದಾರೆ. ಸತ್ಯದೇವ್ ಪಾತ್ರದ ಬಗ್ಗೆ ಚರ್ಚೆ ನಡೆಯುತ್ತಿರುವಾಗಲೇ ಚಿತ್ರದಲ್ಲಿ ಚಿರಂಜಿವಿ ಮತ್ತು ಸಲ್ಮಾನ್ ಖಾನ್ ಒಟ್ಟಿಗೆ ಡ್ಯಾನ್ಸ್ ಮಾಡಿರುವ ತಾರ್ ಮಾರ್ ಥಕ್ಕರ್ ಮಾರ್…….. ಹಾಡಿನ ಪ್ರೋಮೋ ಹೊರಬಂದಿದೆ. ಇವರಿಬ್ಬರೂ ಜೊತೆಯಾಗಿ ನಟಿಸಿದ್ದು.. ಹಾಡಿನಲ್ಲಿ ಒಟ್ಟಿಗೆ ಕುಣಿಯುವುದು.. ಮೆಗಾ ಅಭಿಮಾನಿಗಳಿಗೆ ಮೆಮೊರಿಬಲ್ ಉಣಬಡಿಸಿದಂತಿರುತ್ತದೆ ಎನ್ನಲಾಗುತ್ತಿದೆ ಈ ಪ್ರೋಮೋದಲ್ಲಿ ಇಬ್ಬರ ಕೆಮಿಸ್ಟ್ರಿ ವರ್ಕೌಟ್ ಆಗಲಿದ್ದು ಇಬ್ಬರೂ ಒಂದೇ ತರಹದ ಡ್ರೆಸ್ ಗಳಲ್ಲಿ ಹಾಗೆ ನಡೆದುಕೊಂಡು ಬರುತ್ತಿರುವ ಸಿನ್ ನಿಂದಾಗಿ ಬಾಕ್ಸ್ ಆಫಿಸ್ ದಾಖಲೆಗಳನ್ನು ಮುರಿಯುವ ಸೂಚನೆಯಂತೆ ಕಾಣುತ್ತಿದೆ. ಇಬ್ಬರೂ ಈ ಪ್ರೋಮೋದಲ್ಲಿ ಸಿಂಪಲ್ ಹುಕ್ ಸ್ಟೆಪ್ಸ್ ಹಾಕಿದ್ದು ಪೂರ್ಣ ಹಾಡು ಬಹುಶಃ ಸೆಪ್ಟೆಂಬರ್ 15 ರಂದು ಬಿಡುಗಡೆಯಾಗಲಿದಿಯಂತೆ
ಈ ಹಾಡಿನ ವಿಶೇಷತೆಗಳ ಬಗ್ಗೆ ಹೇಳುವುದಾದರೆ.ಚಿರಂಜೀವಿ ಮತ್ತು ಸಲ್ಮಾನ್ ಖಾನ್ ಒಟ್ಟಿಗೆ ಡ್ಯಾನ್ಸ್ ಮಾಡುವುದರ ಜೊತೆಗೆ ಈ ಹಾಡಿನಲ್ಲಿ ಮತ್ತೊಂದು ವಿಶೇಷತೆ ಇದೆ. ಭಾರತೀಯ ಮೈಕಲ್ ಜಾಕ್ಸನ್ ಪ್ರಭುದೇವ ಈ ಹಾಡಿಗೆ ಅದ್ಭುತವಾದ ಮಾಸ್ ಡ್ಯಾನ್ಸ್ ಕಂಪೋಸ್ ಮಾಡಿದ್ದು, ಹಾಡನ್ನು ಶ್ರೇಯಾ ಘೋಷಾಲ್ ಹಾಡಿದ್ದು, ಅನಂತ ಶ್ರೀರಾಮ್ ಸಾಹಿತ್ಯ ಬರೆದಿದ್ದಾರೆ. ಸಂಗೀತ ಎಸ್. ಎಸ್ ಥಮನ್ ರೂಪಿಸಿದ್ದಾರೆ.ನಿರ್ಮಾಪಕರು ಸೆಪ್ಟೆಂಬರ್ 15 ರಂದು ಲಿರಿಕಲ್ ಹಾಡನ್ನು ಮಾತ್ರ ಬಿಡುಗಡೆ ಮಾಡುತ್ತಾರೆ. ಚಿರು ಮತ್ತು ಸಲ್ಮಾನ್ ಅವರ ಮೆಗಾ ಮಾಸ್ ಸ್ಟೆಪ್ಸ್ ನೋಡಬೇಕಾದರೆ ಅಕ್ಟೋಬರ್ 05 ರವರೆಗೆ ಕಾಯಲೇಬೇಕು. ಏತನ್ಮಧ್ಯೆ, ಕೊನಿದೇಲಾ ಪ್ರೊಡಕ್ಷನ್ಸ್ ಮತ್ತು ಸೂಪರ್ ಗುಡ್ ಫಿಲ್ಮ್ಸ್ ಬ್ಯಾನರ್‌ಗಳ ಅಡಿಯಲ್ಲಿ ಆರ್‌ಬಿ ಚೌಧರಿ ಮತ್ತು ಎನ್‌ವಿ ಪ್ರಸಾದ್ ಈ ಚಿತ್ರವನ್ನು ಕೊನಿದೇಲಾ ಸುರೇಖಾ ಅವರು ಅದ್ಧೂರಿಯಾಗಿ ನಿರ್ಮಿಸುತ್ತಿದ್ದಾರೆ. ನಯನತಾರಾ, ಸತ್ಯದೇವ್, ಸುನೀಲ್, ತಮಿಳುನಟ ಸಮುದ್ರಖನಿ ಸೇರಿದಂತೆ ಬಹುತಾರಾಗಣ ಇರುವ ಸಿನಿಮಾ ಇದಾಗಿದೆ ಎನ್ನಲಾಗುತ್ತಿದೆ.
ಸಿನಿಮಾ ಬರಹ:ಕಾರ್ತಿಕೇಯನ್