ರಾಂಕಿಂಗ್‍ಸ್ಟಾರ್ ಯಶ್ ರಾಖಿಭಾಯ್ ಹುಟ್ಟುಹಬ್ಬದ ಮುನ್ನ ದಿನ ಬಿಡುಗಡೆಗೊಂಡ ಕೆಜಿಎಫ್ 2 ಸಿನಿಮಾದ ಟೀಸರ್ ಸಾಮಾಜಿಕ ಜಾಲತಾಣಗಳಲ್ಲಿ ಭರ್ಜರಿ ದಾಖಲೆ ಮಾಡಿದೆ. 35ನೆ ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ರಾಂಕಿಂಗ್ ಸ್ಟಾರ್ ಯಶ್‍ಗೆ ಇದು ಬೊಂಬಾಟ್ ಉಡುಗೊರೆ ಎನ್ನುತ್ತಾರೆ ಸಿನಿಮಾ ಮಂದಿ.
ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 2 ಸಿನಿಮಾದ ಟೀಸರ್ ಅಬ್ಬರಕ್ಕೆ ಯೂಟ್ಯೂಬ್ ನಲ್ಲಿ ಇತರೆ ಭಾಷೆಗಳ ಸಿನಿಮಾಗಲ ದಾಖಲೆಗಳನೆಲ್ಲ ಧೂಳಿಪಟಮಾಡಿದೆ. KGF-2 ಟೀಜರ್ ಬಿಡುಗಡೆಯಾದ 18 ಗಂಟೆಗಳಲ್ಲೇ 5 ಕೋಟಿಗೂ ಹೆಚ್ಚು ಬಾರಿ ವೀಕ್ಷಣೆ ಮಾಡಿರುತ್ತಾರೆ ಇದೊಂದು ಸರ್ವಕಾಲಿಕ ವಿಶ್ವದಾಖಲೆ ಎನ್ನಲಾಗಿದೆ.
ನಟ ಯಶ್ ಜನ್ಮದಿನದ ಹಿಂದಿನ ದಿನ್ ಕೆಜಿಎಫ್ 2 ಚಿತ್ರದ ಟೀಸರ್ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ದಾಖಲೆ ನಿರ್ಮಿಸಿದೆ.
ವಿಶೇಷವೆಂದರೆ ಅತ್ಯಂತ ಕಡಿಮೆ ಅವಧಿಯಲ್ಲಿ ಯೂಟ್ಯೂಬ್‌ನಲ್ಲಿ ಅತಿ ಹೆಚ್ಚು ಮೆಚ್ಚುಗೆ/ಲೈಕ್ಸ್ ಪಡೆದ ವಿಶ್ವದ ಮೊದಲ ಟೀಸರ್ ಎಂಬ ಹೆಗ್ಗಳಿಕೆಗೆ ಕೆಜಿಎಫ್ 2 ಸಿನಿಮಾದ ಟೀಸರ್ ದಾಖಲೆಮಾಡಿದೆ.
ಕೆಜಿಎಫ್ ಚಾಪ್ಟರ್ 2 ಟೀಸರ್ ಇಂದೇ ಬಿಡುಗಡೆ, ಇಲ್ಲಿದೆ ಟೀಸರ್!
ಜನವರಿ 07 ರಂದು ರಾತ್ರಿ 9.30 ಕ್ಕೆ ಟೀಸರ್ ಬಿಡುಗಡೆಯಾಗಿದ್ದು, ಜನವರಿ 08 ಸಂಜೆ 4 ಗಂಟೆಯೊಷ್ಟೊತ್ತಿಗೆ ಅಂದರೆ 18 ಗಂಟೆಯ ಅವಧಿಯಲ್ಲಿ 50 ಮಿಲಿಯನ್ ವೀಕ್ಷಣೆ ಮಾಡಿರುತ್ತಾರೆ. ಜೊತೆಗೆ 3.5 ಮಿಲಿಯನ್ ಮೆಚ್ಚುಗೆ/ಲೈಕ್ಸ್ ಪಡೆದುಕೊಂಡಿದೆ.
ಮಾಸ್ಟರ್, ಅವೇಂಜರ್ ದಾಖಲೆ ಧೂಳಿಪಟ
ರಾಕಿ ಭಾಯ್‍ನ ಗತ್ತು ಯಾರಿಗೂ ಕಡಿಮೆ ಇಲ್ಲ ಎಂಬುದು ಟೀಸರ್ ಕೂಡ ಸಾಬೀತುಪಡಿಸಿದೆ. ಈ ಚಿತ್ರದ ಟೀಸರ್ ಅನ್ನು ದಾಖಲೆ ಮಟ್ಟದಲ್ಲಿ ವೀಕ್ಷಕರು ವೀಕ್ಷಿಸುವ ಮೂಲಕ ಹಾಲಿವುಡ್ ಅವೇಂಜರ್ ಮತ್ತು ಕಾಲಿವುಡ್‍ನ ಮಾಸ್ಟರ್ ಚಿತ್ರಗಳ ದಾಖಲೆಯನ್ನು ಉಡೀಸ್ ಮಾಡಿದೆ.
ಇತ್ತೀಚೆಗೆ ಬಿಡುಗಡೆಯಾಗಿದ್ದ ವಿಜಯ್ ನಟನೆಯ ‘ಮಾಸ್ಟರ್’ ತಮಿಳು ಸಿನಿಮಾದ ಟೀಸರ್ 16 ಗಂಟೆಗಳಲ್ಲಿ 16 ಲಕ್ಷಕ್ಕೂ ಹೆಚ್ಚು ಲೈಕ್ಸ್ ಪಡೆದಿತ್ತು.ಆ ದಾಖಲೆಯನ್ನು ಕೆಜಿಎಫ್ 2 ಸಿನಿಮಾದ ಟೀಸರ್ ದಾಟಿದೆ. ನವೆಂಬರ್ 14 ರಂದು ಬಿಡುಗಡೆ ಆದ ಮಾಸ್ಟರ್ ಟೀಸರ್ ಇದುವರಿಗೂ 26 ಲಕ್ಷ ಲೈಕ್ಸ್ ಪಡೆದುಕೊಂಡಿದೆ.
ಜನವರಿ 8 ರಂದು ಯಶ್ ಹುಟ್ಟಿದ ಹಬ್ಬ 35ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ನಿನ್ನೆ ರಾತ್ರಿ ಯಶ್ ಕೆಜಿಎಫ್ ಚಿತ್ರದ ನಿರ್ಮಾಪಕ ವಿಜಯ್ ಹಾಗು ನಿರ್ದೇಶಕ ನೀಲ್ ಮತ್ತು ಚಿತ್ರ ತಂಡದೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಜೊತೆಗೆ ಅಭಿಮಾನಿಗಳು ಹಾಗು ಕುಟುಂಬದ ಸದಸ್ಯರೊಂದಿಗೆ ಯಶ್ ಜನ್ಮದಿನ ಆಚರಿಸಿಕೊಂಡಿರುತ್ತಾರೆ.
ಸುದ್ದಿ ಸಂಗ್ರಹ:ಕಾರ್ತಿಕೇಯನ್